„Две години водата во Гостивар не била за пиење - Мицкоски призна кривично дело“, велат од СДСМ

СДСМ преку соопштение обвини дека премиерот Христијан Мицкоски со својата неодамнешна изјава признал дека водата за пиење во Гостивар подолг период не била бактериолошки исправна.

— реклама —

Од партијата потсетуваат на неговата изјава дека „за првпат по многу години граѓаните ќе користат вода која е целосно бактериолошки исправна“, оценувајќи дека со тоа, според нив, потврдил дека проблемот постоел и во изминатите две години.

Според СДСМ, водата во Гостивар сè уште не е целосно исправна, а по спроведеното хиперхлорирање, како што наведуваат, се појавила нова бактерија. Воедно посочуваат дека министерот за здравство претходно најавил дека до крајот на неделата водата ќе биде безбедна за употреба, но дека граѓаните сè уште чекаат официјална потврда.

— реклама —

Од опозициската партија велат дека јавноста сè уште не добила информации кој потпишал дека таканаречената техничка вода е безбедна за капење, додека граѓаните ја користат.

— реклама —

СДСМ тврди дека проблеми со исправноста на водата има и во други делови од земјата и прашува дали Владата била запознаена и со тие случаи.

Во реакцијата се наведува и дека премиерот заминал во Белгија во период кога, според партијата, граѓаните во повеќе места се соочуваат со проблеми со водоснабдувањето, а во Гостивар има епидемија на жолтица.

— реклама —

Од СДСМ додаваат дека сè уште нема утврдена одговорност ниту за загадувањето на реките Лепенец и Вардар, оценувајќи дека наместо да се претставува како решавач на проблемите, Мицкоски, според нив, признал сериозни пропусти во справувањето со состојбата.