Две лица приведени, четири случаи на семејно насилство за едно деноноќие

МВР информира дека во последното деноноќие биле регистрирани четири пријави за семејно насилство, при што две лица биле лишени од слобода.

— реклама —

Во првиот случај, на 20 мај 2026 година во 17:30 часот во СВР Скопје, 37-годишна жена од Скопје пријавила дека неколку дена претходно, во стан на подрачјето на Аеродром, била физички нападната од нејзиниот партнер Б.И.(29) од Скопје.

— реклама —

На 21 мај во 12:10 часот во ОВР Прилеп, прилепчанка пријавила дека во семејниот дом била физички нападната од нејзиното момче.

Истиот ден во 12:40 часот, полициски службеници од СВР Тетово го лишиле од слобода К.Б.(36) од Тетово, по пријава дека во семејниот дом физички ја нападнал својата 62-годишна мајка и оштетил дел од покуќнината. При алкотестирање кај него биле измерени 1,49 промили алкохол во крвта.

— реклама —

Во четвртиот случај, на 22 мај во 02:40 часот, полициски службеници од СВР Велес ја привеле Б.П.(20) од Велес поради агресивно однесување во дворот од семејниот дом.

Од полицијата велат дека се преземаат мерки за расчистување на случаите и по нивно целосно документирање ќе бидат поднесени соодветни пријави.