Еден Палестинец загинал, а повеќе лица биле повредени во израелски напад врз возило во Беит Лахија, во северниот дел на Појасот Газа.
Според медицински извори, цел на нападот било возило на три тркала. Повредените Палестинци биле пренесени на лекување во болница во градот Газа.
Портпарол на израелската војска изјавил дека нападот бил изведен со цел да се „отстрани безбедносна закана“.
Денешниот напад следува по еднонеделна пауза во израелските воздушни напади врз окупираната палестинска енклава.
