Најмалку седум лица загинаа, а едно се води за исчезнато по експлозија на гумен чамец во водите кај островот Мопаншан, во североисточниот дел на Кина, соопштија локалните власти.
Според информациите, уште пет лица се пренесени во болница, при што две од нив се наоѓаат во тешка здравствена состојба.
Несреќата се случила во средата, кога на чамецот се наоѓале вкупно 13 лица, во близина на островот Мопаншан, во градот Сингченг.
Причината за експлозијата засега не е позната, а надлежните служби спроведуваат истрага за утврдување на околностите под кои дошло до несреќата.
