Експлозија на гас на фестивал во Германија, десетмина повредени

Десет лица се повредени во експлозија на гас на музичкиот фестивал „Таубертал“ во Франконија, во германската покраина Баварија.

— реклама —

Локалната полиција соопшти дека осум од повредените, на возраст од 21 до 26 години, биле пренесени во болница. Никој од нив не е во животна опасност.

— реклама —

Според информациите на надлежните, 26-годишен маж користел кампинг-шпорет во фестивалскиот камп. Се претпоставува дека поради неправилно ракување дошло до истекување на гас, што предизвикало експлозија.

— реклама —

Фестивалот „Таубертал“ годинава ја одбележува својата 30-годишнина, со настапи на околу 40 познати музички групи.

Организаторите очекуваат околу 15.000 посетители во природниот резерват каде што се одржува фестивалот.