„Емшири“ во Велгошти е жив сведок на традицијата и заедништвото

Традицијата не е само спомен од минатото, туку жив дух што се негува и се пренесува од генерација на генерација, порача претседателот на Советот на Општина Охрид, Перчо Божиновски, по повод одбележувањето на Велики Поклади – Прочка.

— реклама —

Тој истакна дека маскенбалот „Емшири“ во Велгошти претставува симбол на заедништво, духовно прочистување и почит кон вековните обичаи поврзани со овој голем христијански празник. Според него, Прочка е ден кога луѓето си простуваат и ги отвораат срцата за помирување, љубов и нов почеток.

— реклама —

Божиновски нагласи дека ваквите манифестации имаат посебно значење, бидејќи го одржуваат живиот дух на традицијата и ги потсетуваат граѓаните на вредностите што ја обликуваат заедницата. Тој повика духот на Прочка да биде потсетник дека најголемата сила лежи во човечноста и во способноста искрено да се изговори „Прости ми“ и „Простено ти е“.

— реклама —