Епидемијата во Гостивар е стабилна, нема нови потврдени случаи на западнонилска треска

Министерството за здравство соопшти дека состојбата со епидемијата во Гостивар е стабилна и дека здравствените институции продолжуваат континуирано да ја следат состојбата.

— реклама —

Според податоците, на 31 јули биле регистрирани вкупно 60 први прегледи. Иако во однос на претходниот ден има зголемување, Министерството наведува дека вкупниот тренд е значително понизок во споредба со пикот на епидемијата на 18 јули, кога биле евидентирани 649 први прегледи.

— реклама —

Во периодот од 14 до 31 јули се регистрирани вкупно 4.543 први прегледи. Досега се примени 1.028 формални пријави за заразна болест, а изработени се 730 нови епидемиолошки анкети, што претставува опфат од 71 процент.

Во однос на западнонилската треска, Министерството информира дека до Институтот за јавно здравје нема новопријавени лабораториски потврдени случаи.

— реклама —

На Клиниката за инфективни болести се хоспитализирани тројца пациенти кај кои постои сомнение за западнонилска треска, а се очекуваат резултатите од лабораториските испитувања.

Министерството за здравство посочува дека во координација со Институтот за јавно здравје и здравствените установи продолжува засилениот епидемиолошки надзор и најавува дека јавноста навремено ќе биде информирана за сите нови сознанија.