Ердоган и Трамп разговараа за војните во Украина и на Блискиот Исток

Турскиот претседател Реџеп Таип Ердоган телефонски разговарал со американскиот претседател Доналд Трамп за односите меѓу двете земји, како и за регионалните и светските случувања.

— реклама —

Ердоган истакнал дека тензиите меѓу Иран и САД треба да се надминат, а проблемите да се решаваат по дипломатски пат. Тој нагласил дека Турција ќе продолжи да се залага за мир, пренесе агенцијата Анадолија.

— реклама —

— реклама —

Во разговорот станало збор и за војната меѓу Украина и Русија. Ердоган изразил надеж дека засилените дипломатски напори за нејзино завршување ќе дадат позитивни резултати. Тој посочил дека Турција ќе продолжи да придонесува во тие напори и дека е важно да се интензивираат контактите и со Украина и со Русија.

— реклама —

Турскиот претседател изразил уверување дека соработката меѓу Турција и САД ќе продолжи да се развива, најавувајќи ангажман за натамошно зајакнување на билатералните односи.