Ердоган со жестока порака до Нетанјаху: Го следи патот на Хитлер

Турскиот претседател Реџеп Таип Ердоган го обвини израелскиот премиер Бенјамин Нетанјаху дека „го следи патот на Хитлер“, додека двајцата лидери продолжуваат со жестоката размена на обвинувања поврзани со конфликтите на Блискиот Исток.

— реклама —

„Оние што го следат патот на Хитлер не треба да забораваат дека нивната судбина ќе биде иста како судбината на другите тирани низ историјата“, порача Ердоган.

Тој оцени дека „денешниот Израел, под оваа власт, станал фабрика што се напојува исклучиво со крв и солзи и произведува само нестабилност и хаос“, додавајќи дека сторителите на ваквите масакри мора да бидат повикани на одговорност.

— реклама —

Најновата ескалација на реториката доаѓа откако Ердоган претходно изјави дека израелските воени дејствија во Либан и Сирија претставуваат закана за безбедноста на Турција.

— реклама —

Нетанјаху возврати со остри критики, најавувајќи дека Израел ќе продолжи со воените операции секаде каде што ќе биде потребно за да ги отстрани, како што наведе, безбедносните закани од Иран и неговите сојузници.

„Антисемитскиот диктатор Ердоган, кој врши геноцид врз Курдите, ја поддржува терористичката организација Хамас, го угнетува сопствениот народ и затвора политички противници, е последната личност што може да му држи морални лекции на Израел“, се наведува во соопштението на израелскиот премиер.

— реклама —

Жестоката размена на обвинувања дополнително ги заостри и онака нарушените односи меѓу Анкара и Тел Авив, во време кога конфликтите во регионот продолжуваат да ја зголемуваат тензијата на Блискиот Исток.