Ескалација на протестите во Албанија, опозицијата бара оставка од Рама

Опозицијата во Албанија во неделата одржа нов антивладин протест, обележан со високи тензии, вклучувајќи фрлање молотови коктели врз зградата на владата и интервенција на полицијата со солзавец, јавува Анадолија.

— реклама —

Протестот го организираше Демократската партија (ПД) со поддршка на други опозициски партии, кои бараат оставка од премиерот Еди Рама.

— реклама —

Демонстрантите фрлаа молотови коктели и пиротехнички средства врз зградата на албанската влада, на што полициските сили одговорија со солзавец и водни топови.

За време на маршот низ улиците на главниот град, молотови коктели беа фрлени и врз зградите на неколку министерства и други институции, а неколку полициски возила беа запалени.

— реклама —

На протестот, присуствуваше лидерот на Демократската партија и поранешен премиер Сали Бериша, како и други пратеници од опозицијата. Стотици полицајци го обезбедуваа настанот, а некои патишта во Тирана беа блокирани.

— реклама —