ЕУ ги зајакнува врските со шест земји поради кризата во Ормускиот Теснец

Европската Унија ќе ја засили соработката со земјите од Советот за соработка во Заливот поради војната и растечките тензии во регионот, изјави високата претставничка за надворешна политика Каја Калас.

— реклама —

Станува збор за соработка со Катар, Бахреин, Кувајт, Оман, Саудиска Арабија и Обединетите Арапски Емирати.

— реклама —

„Ќе ја забрзаме работата на договорите за стратешко партнерство со сите шест заливски земји, а подготвени сме и да ја интензивираме безбедносната и одбранбената соработка“, изјави Каја Калас.

Таа предупреди дека примирјето во Ормускиот Теснец е „под силен притисок“ поради иранските напади врз држави во регионот.

— реклама —

„Иранскиот притисок врз најважната светска рута за транспорт на енергенси е неодржлив“, порача Калас.

Според неа, Европската Унија подготвува проширување на санкциите против Иран, кои ќе ги опфатат и лицата одговорни за попречување на слободната пловидба.