ЕУ го одби руското предупредување: „Нашите дипломати остануваат во Киев“

Европската унија соопшти дека нејзините дипломати остануваат во Киев и покрај руските предупредувања за нови „систематски напади“ врз украинската престолнина.

Портпаролката на Европската комисија, Анита Хипер, изјави дека ЕУ ќе продолжи со своето присуство и работа во Киев, оценувајќи дека руските закани „одразуваат очај“.

— реклама —

„Русија сака да предизвика страв и изолација, но тоа нема да успее“, порача Хипер на прес-конференција во Брисел.

Таа додаде дека Русија, според оценките на ЕУ, „губи на бојното поле“ и повторно се насочува кон напади врз цивили и цивилна инфраструктура.

— реклама —

Хипер посочи дека во нападите било погодено и седиштето на цивилната мисија на ЕУ во Киев, што го оцени како „непромислен напад“.

— реклама —

Европската унија, поради најновите случувања, повика руски дипломат на разговор.

Според ЕУ, потезите на Москва покажуваат дека Русија „воопшто не е заинтересирана за мир“ и дека не ги почитува мировните напори.

— реклама —

Од Брисел најавија продолжување на помошта за Украина, вклучително и дополнителна противвоздушна одбрана и финансиска поддршка.

Русија претходно ги повика жителите на Киев, како и дипломатите и вработените во меѓународните организации, што побрзо да го напуштат градот поради планирани напади врз објекти поврзани со украинската воена индустрија.