Претседателот на Европскиот совет Антонио Кошта порача дека нападите врз цивилна инфраструктура се незаконски и неприфатливи, реагирајќи по заканите на американскиот претседател Доналд Трамп за можни удари врз ирански енергетски објекти.
„Секое гаѓање цивилна инфраструктура, вклучително и енергетски објекти, е незаконско и неприфатливо“, наведе Кошта, потенцирајќи дека ова правило важи за сите конфликти.
Тој предупреди дека во случај на дополнителна ескалација, најголеми последици би претрпеле цивилите, посочувајќи дека искуствата од други конфликти, вклучително и во Украина, го потврдуваат тоа.
Европска унија воедно го повика Иран веднаш да ги прекине нападите во регионот и да овозможи целосна слобода на пловидба низ Ормутски теснец, клучен поморски правец за глобалната енергетска трговија.
„Пет недели војна покажаа дека причините за конфликтот можат да се решат само преку дипломатија“, порача Кошта, повикувајќи на итна деескалација.
