ЕУ воведе нова такса од две евра по артикл за нарачките од Тему, Шеин и Алиекспрес, еве дали ќе ги погоди и купувачите во Македонија

Нова административна такса од две евра по артикл од денес, 1 ноември, се применува во Европската Унија за онлајн-нарачки што пристигнуваат од земји надвор од Унијата. Мерката ги зголемува трошоците за увоз преку платформи како Тему, Шеин и Алиекспрес, но не воведува автоматски иста давачка за купувачите во Македонија.

— реклама —

— реклама —

Според Советот на ЕУ, новата такса треба да ги покрие трошоците за царинските контроли и надзорот на огромниот број мали пратки. Таа е одделна од привремената царина од три евра, која се применува од 1 јули за пратките со вредност под 150 евра.

— реклама —

— реклама —

Двете давачки имаат различна намена. Царината треба да ги изедначи условите меѓу директниот увоз преку интернет и трговците што увезуваат стока на вообичаен начин. Административната такса, пак, е наменета за обработката и проверките на пратките.