ЕУ воведе нови санкции против петмина руски функционери

Европската Унија воведе нови санкции против пет лица поврзани со руската воена индустрија, наведувајќи дека одлуката е донесена поради засилените руски напади врз цивили и цивилна инфраструктура во Украина.

— реклама —

Меѓу санкционираните се Рамил Бадгутдинов, кој раководи со компанија вклучена во производството на балистичките ракети „Искандер-М“, како и Александар Дјукарев, директор на фабриката „КрасМаш“, производител на балистичките ракети „Сармат“.

— реклама —

— реклама —

Останатите тројца се директори на руски одбранбени компании кои, според ЕУ, работат на комуникациски системи, развој на софтвер за беспилотни летала и воени вселенски технологии.

— реклама —

Високата претставничка на ЕУ за надворешна политика, Каја Калас, порача дека Унијата мора да продолжи да го зголемува притисокот врз Русија сè додека Москва не ја прекине војната против Украина.