Два големи трговски центри во Загреб беа евакуирани денеска откако до медиуми, полицијата и до самите објекти биле испратени закани за поставени бомби.
Според информациите, анонимните пораки содржеле тврдења дека во рок од два часа ќе експлодираат експлозивни направи во трговските центри „Арена Центар“ и „Авениу Мол“. Заканите биле испратени и до повеќе хрватски медиуми, како и до полициските служби.
Очевидци и посетители на трговските центри сведочат дека купувачите и вработените биле евакуирани од објектите по добиените дојави.
Хрватската полиција засега не соопштила повеќе детали за случајот, а во тек се проверки и безбедносни активности на терен со цел да се утврди веродостојноста на заканите.
