Ерлинг Халанд можел да биде дел од англиската репрезентација на Светското првенство, иако на крајот одлучи да го носи дресот на Норвешка.
Норвешкиот напаѓач, кој со својата селекција настапи во четвртфиналето против Англија, според правилата на ФИФА имал право да игра и за Англичаните.
Причината е тоа што Халанд е роден на 21 јули 2000 година во Лидс, во периодот кога неговиот татко Алфи Халанд настапувал во англискиот фудбал. Првите три години од животот ги поминал во Англија, пред семејството да се врати во Норвешка.
Иако имал можност да ја избере Англија, Халанд се одлучил да настапува за земјата од која потекнува неговото семејство.
Според правилата на ФИФА, фудбалерите мора да имаат државјанство на земјата за која настапуваат, но и да исполнуваат најмалку еден дополнителен услов – да се родени таму, нивен родител или баба и дедо да се родени во таа држава или да живееле во неа најмалку пет години.
Халанд и денес има силна поврзаност со Англија преку Манчестер сити, клуб за кој настапува и за кој, како што самиот изјавил, навивал уште од детството.
