Од Центарот за управување со кризи информираат дека, според известување од ЕВН Македонија, во сабота (13 јуни 2026 година) ќе има планирани прекини во снабдувањето со електрична енергија во делови од општините Петровец и Сарај.
Во периодот од 08:00 до 15:30 часот без струја ќе останат корисниците од селата Бадар, Кожле и Блаце, жителите на населбата Тотинци, како и тунелите Катланово во општина Петровец.
Прекин на електричната енергија е најавен и во општина Сарај, каде од 08:30 до 12:00 часот без напојување ќе бидат корисниците од селото Сарај кои се наоѓаат зад старата џамија.
Од надлежните апелираат граѓаните навреме да ги планираат своите активности за време на најавените прекини.
