Евростат: Намалена стапката на убиства во Македонија во споредба со 2014 година

Во Македонија во 2024 година биле регистрирани 1,10 убиства на 100.000 жители, покажуваат податоците на Евростат. Во споредба со 2014 година, кога стапката изнесувала 1,21, забележано е намалување на овој показател.

— реклама —

Од земјите во регионот, највисока стапка има Црна Гора, со 1,92 убиства на 100.000 жители. Во Бугарија таа изнесува 1,23, во Србија 0,82, а во Грција 0,78.

— реклама —

Во рамките на Европската Унија, највисока стапка во 2024 година е регистрирана во Литванија – 2,63 убиства на 100.000 жители. Следуваат Латвија со 2,40 и Естонија со 1,82.

— реклама —

Најниска стапка има Луксембург, со 0,30 убиства на 100.000 жители, пред Италија со 0,57 и Чешка со 0,63.

— реклама —

Иако Литванија е на врвот според овој показател, во земјата е забележано и најголемо намалување во споредба со 2014 година, кога стапката била повеќе од двојно повисока. Тренд на намалување во изминатата деценија има и во Македонија.