Фалсификувал документи, користел туѓи податоци и подигнал кредит од 90.000 денари

СВР Струмица – ОВР Гевгелија поднесе кривична пријава против Г.А. (55) од Скопје поради сомнение дека сторил повеќе кривични дела поврзани со измама, злоупотреба на лични податоци и фалсификување исправи.

— реклама —

Според информациите од Министерството за внатрешни работи, пријавениот, до 18 август 2022 година, без согласност на лице од Гевгелија и спротивно на законските одредби, телефонски прибирал, обработувал и искористил негови лични податоци, кои потоа ги употребил за изработка на лажна патна исправа.

— реклама —

МВР наведува дека фалсификуваната исправа ја искористил во постапка за добивање кредит од финансиско друштво од Скопје, при што доставил невистинити податоци за својата имотна состојба и други информации значајни за одобрување на кредитот.

— реклама —

Со ваквите незаконски дејствија, осомничениот се стекнал со противправна имотна корист во износ од 90.000 денари, а дополнително предизвикал материјална штета од 58.694 денари.

— реклама —

По целосното документирање на случајот, против него е поднесена соодветна кривична пријава за кривичните дела „измама при добивање кредит или друга погодност“, „злоупотреба на лични податоци“ и „фалсификување исправа“.