Фатална сообраќајна несреќа меѓу автомобил и товарно возило во село Робово, загина 42-годишна жена

Четириесет и двегодишна жена го загуби животот по тешка сообраќајна несреќа што се случила вчера во струмичкото село Робово, соопшти Министерството за внатрешни работи.

— реклама —

Според информациите од МВР, несреќата била пријавена на 8 јули околу 13:50 часот, а во неа учествувале патничко возило „опел астра“ со струмички регистарски ознаки, управувано од Р.Г.Р. (42) од село Робово, и товарно возило „ман“ со скопски регистарски ознаки, управувано од Ф.С. (32) од Скопје.

— реклама —

— реклама —

Во судирот, возачката на патничкото возило се здобила со тешки телесни повреди и итно била пренесена во Комплексот клиники „Мајка Тереза“ во Скопје. И покрај напорите на лекарите, таа им подлегнала на повредите.

— реклама —

Увид на местото на несреќата извршила увидна екипа од СВР Струмица, а се преземаат мерки за целосно расчистување на причините и околностите под кои се случила сообраќајната несреќа.