ФБИ ѝ честиташе на македонската полиција за апсењето на администраторот на криминалниот пазар OLVX

Американското Федерално биро за истраги (ФБИ) ѝ честиташе на Единицата за компјутерски криминал при Бирото за јавна безбедност на Министерството за внатрешни работи за успешното апсење на администраторот на криминалниот онлајн-пазар OLVX.

Во објава на социјалните мрежи, ФБИ соопшти дека OLVX бил активен во периодот од 2023 до 2025 година и дека, според наводите на истрагата, преку оваа платформа незаконски се продавале лични податоци со кои може да се идентификуваат жртвите, како и податоци за пристап до нивните кориснички сметки.

— реклама —

Според ФБИ, активностите се одвивале преку повеќе од 1.500 продавачки профили, а постоењето на ваквиот пазар директно ја загрозувало дигиталната безбедност на илјадници американски граѓани кои се потпираат на безбедноста на своите онлајн-сметки.

— реклама —

Од американското биро посочуваат дека разбивањето на оваа криминална активност претставува прва кибероперација координирана меѓу ФБИ и Северна Македонија.

„Оваа операција ја одразува посветеноста на ФБИ за соработка со партнери ширум светот со цел заштита на американските граѓани во сајбер-просторот“, наведуваат од ФБИ во објавата.

— реклама —

Признанието од американската агенција ја истакнува меѓународната соработка во борбата против компјутерскиот криминал, особено против платформите што овозможуваат нелегална трговија со украдени лични информации и податоци за пристап до кориснички сметки.

Во објавата не се наведени дополнителни детали за идентитетот на уапсениот администратор, ниту за конкретните околности и датумот на апсењето.

Македонски државјанин под истрага на ФБИ: Од Голема Речица управувал со платформа за сајбер-криминал, тврди МВР

Дваесетгодишник од тетовското село Голема Речица е осомничен дека управувал со нелегален онлајн пазар преку кој се продавале украдени лични податоци, пристапи до кориснички сметки и компјутерски мрежи, како и алатки за извршување компјутерски криминал. До неговото откривање дошло по заедничка истрага на македонското Министерство за внатрешни работи и американското Федерално истражно биро (ФБИ).Секторот за компјутерски криминал и дигитална форензика при МВР поднел кривична пријава до Основното ја

Македонија | пред 8 часа