Фицо: Европа има големи проблеми со нафтата и горивото

Словачкиот премиер Роберт Фицо денеска изјави дека Европската унија има големи проблеми со нафтата и горивото.

— реклама —

Тој исто така наведе дека очекува надоместоците за емисиите на штетни гасови кои предизвикуваат ефект на стаклена градина да доведат до поскапување на горивото, домувањето и енергијата, поради што есента и зимата ќе бидат тешки.

Фицо, на видеоконференција на групата „Пријатели на конкурентноста“, на која учествуваа 19 европски лидери, рече дека Словачка, заедно со земјите од Вишеградската група, инсистира системот ETS2, кој предвидува емисиите на штетни гасови во ЕУ до 2030 година да се намалат за 42 отсто во однос на 2025 година, да биде воведен дури по 2030 година, пренесува Ta3.

— реклама —

Тој нагласи дека високите цени на енергијата, дозволите за емисија и горивото се клучни прашања за Словачка, како индустриска земја со отворена економија, кога станува збор за економскиот раст и зачувувањето на работните места.

— реклама —

„Конкурентноста на европската индустрија е нераскинливо поврзана со цените на енергијата“, рече Фицо.

Фицо го поддржа поедноставувањето на европските правила и намалувањето на административните и регулаторните оптоварувања, наведувајќи дека европските компании треба да се соочат со помалку бирократија за да можат подобро да се натпреваруваат со компаниите од другите големи економии.

— реклама —

„Ако Европската унија сака да опстане во глобалната конкуренција, мора да создаде услови во кои европската индустрија ќе може да произведува по конкурентни цени. За Словачка, прашањето за цените на енергијата и индустриската заштита затоа е апсолутен приоритет“, заклучи Фицо.