Филипче: Срамен е молкот на институциите, граѓаните во Трубарево да носат маски и да не излегуваат без потреба

Претседател на СДСМ, Д-р Венко Филипче, преку својот профил на Фејсбук упати јавна реакција за пожарот во фабрика за акумулатори во Трубарево и за потенцијалната опасност по здравјето на граѓаните.

„Институциите итно мора да излезат со точни податоци дали и колку е загаден воздухот во и околината на Трубарево. Страшен е молкот и доцнењето во препораките, особено од здравствените власти“, напиша Филипче.

— реклама —

Тој предупреди дека дел од информациите укажуваат на горење на литиумски батерии и друг опасен отпад.

— реклама —

„Загрижувачки се дел од информациите кои пристигаат дека горат литиумски батерии и друг отпад кој е исклучително опасен“, рече Филипче.

Во исчекување на официјални информации, Филипче упати конкретни совети до граѓаните во погодените подрачја:

— реклама —

„Препорачувам граѓаните во Трубарево и околните населби да носат маски, да не престојуваат на отворено без итна потреба и да земаат антиоксиданси за превенција“, истакна тој.

Филипче ја осуди и реакцијата на надлежните институции, нарекувајќи ја „неодговорна и апсурдна“.

„Апелирам до властите – крајно е неодговорно да се молчи во вакви случаи. Исто така е крајно неодговорно наместо решенија, одговорните да измислуваат приказни за хибридни напади, политички потпалени пожари и слично. Ова е надвор од секој здрав разум“, посочи Филипче.