Физички напади врз партнерки во три случаи низ државата, во еден употребено и остар предмет

МВР информира за три одделни случаи на физички напади врз жени во Македонска Каменица, Злетово и Скопје.

— реклама —

Надворешната канцеларија за криминалистички работи Делчево поднела кривична пријава против Ќ.С. (59) од Македонска Каменица поради постоење основи на сомнение за сторено кривично дело „телесна повреда“. Според пријавеното, на 5 и 7 јули 2026 година во семејната куќа, тој физички ја нападнал својата сопруга.

— реклама —

Кривична пријава поднела и Надворешната канцеларија за криминалистички работи Пробиштип против Ј.Ј. (49) од Злетово, исто така поради постоење основи на сомнение за „телесна повреда“. На 5 август 2026 година, пријавениот физички ја нападнал својата вонбрачна партнерка.

— реклама —

Во третниот случај, на 7 октомври во 14:30 часот во СВР Скопје, 24-годишна жена пријавила дека два дена претходно, околу 18 часот, во својот дом на подрачјето на Кисела Вода била физички нападната од партнерот Д.Ј. Според пријавата, тој потоа со остар предмет ѝ нанел расекотини.

— реклама —

За случајот во Скопје се преземаат мерки за негово расчистување.