Фон дер Лајен: Русија продолжува со агресија и провокации кон Европа

Европа повторно се соочува со, како што оцени претседателката на Европската комисија, Урсула фон дер Лајен, „непромислено и опасно руско однесување“, откако беа регистрирани неколку инциденти во близина на европскиот воздушен простор.

— реклама —

Фон дер Лајен наведе дека руски воен брод истрелал сигнални ракети за предупредување опасно близу до дански хеликоптер, додека дрон навлегол во воздушниот простор на Литванија, по што бил уништен од борбени авиони на НАТО.

— реклама —

Според неа, станува збор за дел од поширок образец на руска агресија и провокации кон Европа, со кои Москва ја тестира подготвеноста и решителноста на европските земји.

— реклама —

„Русија ќе открие дека нашата решителност само ќе станува посилна“, порача претседателката на Европската комисија.

Таа додаде дека Европа, заедно со НАТО, го зајакнува заедничкото одвраќање и одбраната, а истовремено го зголемува и притисокот врз Русија.