Српскиот рапер Драгомир Деспиќ – Десингерица заврши во болница откако му се слошило по еден од неговите настапи во Црна Гора.
Според медиумските информации, тој се онесвестил, а подоцна бил пренесен во болница, каде што примил инфузија. На социјалните мрежи се појави и фотографија на која се гледа како лежи на болнички кревет.
„Се враќаме во старите времиња“, напишал негов пријател покрај фотографијата.
Десингерица ова лето има бројни настапи на црногорското приморје, а во изминатиот период неколкупати беше во центарот на вниманието. Освен иницијативите за забрана на неговите настапи, неодамна беше и приведен во Сутоморе.
Раперот објасни дека бил приведен бидејќи кај себе немал лични документи.
„Немав документи. Ако сум виновен, ја прифаќам вината. Платив казна, таков е законот. Ја почитувам работата на полицијата, тие само си ја вршеа својата работа“, изјави Десингерица.
Тој додаде дека во полициската станица поминал неколку часа и оцени дека нема потреба од сензационализам околу целиот случај.
