(Фото) „Ела издржи“: Осамна транспарент за поддршка на девојчето на кое му беше ампутирана ногата по несреќата во Сараево

Цело Сараево е во шок по трагичната смрт на 23-годишниот млад човек, младиот уметник Ердоан Моранкиќ, кој загина во четвртокот во трамвајска несреќа во Сараево. Во истата несреќа тешко е повредена и 17-годишната Ела Ј., на која лекарите морале да ѝ ја ампутираат ногата.

— реклама —

Според последните информации, Ела и натаму е во тешка состојба, на одделението за интензивна нега.

Целиот регион се надева дека Ела ќе успее да излезе како победник од оваа тешка битка, а особено жителите на Сараево кои отворено ѝ дадоа поддршка. Во текот на ноќта осамна транспарент: „Борба за правда, Ела издржи“.

— реклама —

— реклама —

Да потсетиме, во несреќата се повредени уште три лица, кои се во стабилна состојба и се пуштени на домашно лекување.

— реклама —

Несреќата се случила во четврток, на 12 февруари, околу пладне, кога трамвај, од правец на Железничката станица, со голема брзина влегол во раскрсницата кај Техничкото училиште, излетал од шините и на трамвајската станица повредил четири, а усмртил едно лице.