Хеликоптер во сопственост на саудискиот нафтен гигант Saudi Aramco се урна во неделата во Рас Танура, при што загинаа 14 лица, објави државната новинска агенција СПА.
Според информациите на агенцијата, повикувајќи се на извор од Министерството за енергетика на Саудиска Арабија, сите загинати биле саудиски државјани.
Надлежните служби започнаа истрага за да се утврдат причините за несреќата.
Рас Танура, која се наоѓа на источниот брег на Саудиска Арабија покрај Персискиот Залив, претставува едно од најважните средишта за преработка и извоз на нафта во земјата.
