Комуналните редари на Град Скопје во текот на вчерашниот ден при редовна контрола на самото место затекнаа седум лица како ја загадуваат животната средина и непрописно го фрлаат отпадот.
„На овие седум лица им беше изречена парична казна во согласност со Законот за јавна чистота.
Засилените контроли на градскиот инспекторат ќе продолжат и во наредниот период, затоа апелираме до граѓаните да го почитуваат комуналниот ред и да не фрлаат отпадоци насекаде“, велат од Град Скопје.
