(Фото) Неофицијално: Падна инспекторка од АХВ – барала пари за да издаде позитивен записник

Инспекторка од Агенцијата за храна и ветеринарство е приведена во полициска акција во Скопје под сомнение дека барала пари за да издаде позитивен записник при вршење инспекциска контрола, дознава неофицијално „Скопје1“ од извори во Министерството за внатрешни работи.

— реклама —

Според информациите на „Скопје1“, инспекторката се сомничи дека ги користела службените овластувања за да прибави лична корист.

Сомнежите се дека при вршење контрола барала да ѝ биде доставена документација која, според нашите извори, не била потребна за конкретната постапка.

— реклама —

Потоа, како што неофицијално дознаваме, издавањето позитивен записник го условила со исплата на одреден паричен износ.

— реклама —

По преземените полициски дејствија, инспекторката е приведена.

Засега нема официјални информации за висината на наводно побараниот паричен износ, ниту за точната правна квалификација на делото за кое се сомничи.

„Скопје1“ очекува официјални информации од Министерството за внатрешни работи и надлежното обвинителство за деталите од акцијата.