(Фото) Се развозувал со кокаин и оружје, а носел и полициска опрема - уапсено лице од беровско

Полициски службеници од СВР Струмица ноќеска во 02:00 часот во Струмица го лишиле од слобода Н.Џ. од беровското село Двориште, информира Министерството за внатрешни работи.

— реклама —

Според соопштението, во близина на угостителски објект во Струмица бил извршен преглед на лицето и на патничко возило „фолксваген голф“ со беровски регистарски таблички, во кое тој бил затекнат.

— реклама —

При контролата, кај него била пронајдена бела прашкаста материја, за која, како што навеле од МВР, во службен разговор изјавил дека е кокаин.

При прегледот на возилото, во багажниот простор биле пронајдени оружје, муниција и други делови од полициска опрема, за кои постои сомнение дека биле неовластено поседувани.

— реклама —

Лицето е задржано во Полициската станица Струмица, а за случајот бил известен јавен обвинител од Основното јавно обвинителство Струмица.

По целосно документирање на случајот ќе биде поднесена соодветна пријава, соопшти МВР.