Автомобил излетал од коловозот, се искачил на тротоар и удрил во ограда на приватен имот во Волково, во близина на местото викано „Шкорпион“ во Ѓорче Петров. Инцидентот се случи во вечерва, а според сведоштво на очевидец, за среќа во моментот на несреќата на тротоарот немало пешаци ниту други возила.
Од фотографиите и пораките што ги испрати очевидецот, може да се види дека дека невниманието на возачот можело да доведе до голема катастрофа. Повикана беше полиција која правеше увид, а возачот ќе биде тестиран за алкохол.
„Излета на тротоар и удри кај комшијата во ограда. Лом им направи. Среќа што немаше возила и луѓе на тротоар. Овде е страшно да се живее веќе. Хаос“, стои во сведочењето за „Скопје1“.
Жителите реагираат дека ваквите сообраќајни инциденти се зачестени и апелираат до институциите за зголемени контроли, особено во вечерните и ноќните часови, како и за подобра сообраќајна сигнализација и физички мерки за заштита на пешаците.
Повеќе информации се очекуваат од МВР во текот на утрешниот ден.
ПРЕТХОДНО во близина на истава локација:
Скопјанка смртно прегази пешак во Волково
Пешак бил прегазен синоќа во скопско Волково, а полицијата уапсила жена која го управувала автомобилот. Како што информираат од Министарството за внатрешни работи, ноќеска после полноќ, во Волково полициски службеници ја лишиле од слобода 40-годишната М.С. од Скопје. Таа, претходниот ден околу 21 часот на улицата „100“ во Волково, со своето возило „мерцедес“ удрила во пешакот Г.И.(60) од Волково.Од здобиените повреди пешакот Г.И. починал на местото, а лекар од Итната медицинска помош констатирал смрт. Од МВР информираат дека бил извршен увид од увидна екипа од СВР Скопје и по целосно документирање на случајот против возачот на автомобилот ќе биде поднесена пријава по член 300 од Кривичниот законик.
Скопје | пред 3 дена
(Фото) Сообраќајка на патот кон скопско Волково: едно од возилата освен во „Фолксваген“ удрило и во бетонска ограда
Несреќа се случи вечерва на патот Ново Село кон Волково, близу Шкорпион, во скопската општина Ѓорче Петров. Се судрија две возила, од кои, едното удрило и во бетонска ограда. Едното возило е со гостиварски регистарски ознаки, другото со скопски.На возилото марка „Фолксваген“ му се отворени и воздушните перничиња, а се гледаат и траги од бочен удар на него. Засега не е познато дали има повредени лица, а причинета е материјална штета.Жителите алармираат дека на овој правец се вози брзо и дека тоа е можната причина за оваа несреќа.
Скопје | пред 2 години
