Американскиот претседател Доналд Трамп соопшти дека Соединетите Американски Држави се согласиле да ги продолжат преговорите со Иран, но истовремено нагласи дека примирјето меѓу двете страни повеќе не е на сила.
„Исламската Република Иран побара продолжување на преговорите. Се согласивме на тоа“, напиша Трамп на својата социјална мрежа Truth Social.
Тој додаде дека Вашингтон јасно му ставил до знаење на Техеран дека примирјето е завршено.
Изјавата доаѓа во период на зголемени тензии меѓу САД и Иран, додека двете земји најавуваат нов обид за дипломатски разговори.
