(Фото) ВРЕДИ: Документот што ја потопува пропагандата на ДУИ за „српскиот свет“

Коалицијата ВРЕДИ соопшти дека ДУИ нема право да ја обвинува за наводна поврзаност со концептот на „српскиот свет“, повикувајќи се на официјално соопштение од Претседателството на Србија по средбата меѓу српскиот претседател Александар Вучиќ и тогашниот министер за надворешни работи Бујар Османи во 2021 година.

— реклама —

Од ВРЕДИ наведуваат дека во соопштението, меѓу темите на разговор, било споменато и „унапредувањето на положбата на Србите во Северна Македонија“, оценувајќи дека тоа, според нив, ги побива обвинувањата што ДУИ во последните денови ги упатува кон коалицијата.

— реклама —

— реклама —

Во партиското соопштение се наведува дека ДУИ, како што тврдат од Влен, со денови изнесува неосновани обвинувања и се обидува да ја поврзе коалицијата со „српскиот свет“, но дека официјалните документи, според нив, покажуваат поинаква слика.

— реклама —

Од ВРЕДИ, исто така, оценуваат дека документот покажува оти за време на владеењето на ДУИ, албанското прашање не било меѓу нивните главни приоритети.