ВРЕДИ

ВРЕДИ бара поголема автономија и фискална децентрализација за општините

Од коалицијата ВРЕДИ велат дека децентрализацијата има централно место во нивната политичка програма и дека локалната власт треба да добие поголема автономија, финансиска независност и пошироки надлежности.„За нас, демократијата започнува таму каде што граѓанинот го живее своето секојдневие – во општината, маалото, училиштето и услугите што ги добива“, соопштија од ВРЕДИ.Од коалицијата нагласуваат дека се залагаат за фискална децентрализација, локален економски развој и поинтензивна прекугранична соработка меѓу општините.Како пример за оваа визија го посочуваат проектот Тетово–Призрен, за кој велат дека ќе ја зајакне инфраструктурната, економската и развојната поврзаност меѓу граѓаните од двете страни на границата.„Општините треба да имаат јасни надлежности, средства и право самостојно да одлучуваат за своите развојни приоритети“, велат од ВРЕДИ.Во соопштението упатија и критики кон политичките противници, обвинувајќи ги дека во минатото ја занемарувале децентрализацијата и оставиле општини „без развој и без нормални услуги за граѓаните“.Според ВРЕДИ, локалната власт треба да биде „носител на развојот“, а не „политички плен“.

Македонија | пред 3 дена

ВРЕДИ официјално се обедини во една партија, 850 делегати го поддржаа процесот

ВРЕДИ официјално се трансформираше од коалиција на пет политички субјекти во единствен политички субјект, откако 850 делегати на Конгресот на обединување ги усвоија статутот и политичката програма на новата партија.На конгресот беа избрани и новите раководни органи. Изет Меџити и Билал Касами се избрани за ко-претседатели на ВРЕДИ, Беким Сали за генерален секретар, а Мимоза Муса и Беким Ќоку за потпретседатели.„Политиката треба да им служи на граѓаните, а не да ја ограбува државата и да им го отежнува животот“, изјави Касами во своето обраќање.Меџити оцени дека Конгресот претставува редок пример на политичко обединување во време кога јавноста е навикната на поделби и фракции.„Фактот што на конгресот присуствуваа двајца премиери покажува дека ВРЕДИ и Албанците во Македонија се важен мост меѓу двете држави“, изјави Меџити.На настанот присуствуваа и премиерот на Косово, Албин Курти, како и македонскиот премиер Христијан Мицкоски.Курти порача дека обединувањето на ВРЕДИ претставува пример за политичка и граѓанска одговорност и модел за соработка меѓу различни политички организации во регионот.Од ВРЕДИ соопштија дека новата политичка структура ќе се позиционира како десноцентристичка партија со фокус на владеење на правото, борба против корупцијата, економски развој, дигитализација и целосно спроведување на Охридски рамковен договор.На обединувањето реагираше и ДУИ, од каде оценија дека процесот претставува „почеток на крајот“ на ВРЕДИ.„Поставувањето на двајца лидери е доказ дека партијата е поделена на фракции уште пред да започне со работа“, соопштија од ДУИ, додавајќи дека дел од функционерите веќе го напуштиле проектот.Од ВРЕДИ, пак, порачаа дека со обединувањето не се затвора едно политичко поглавје, туку се отвора ново, во кое младите и професионалците ќе имаат поголема улога во одлучувањето.

Македонија | пред 4 дена

ВЛЕН од коалиција прераснува во партија: денеска конгрес за обединување

Коалицијата ВЛЕН денеска на Конгрес за обединување на пет политички субјекти официјално ќе прерасне во партија.Во пресрет на конгресот, од ВЛЕН преку јавна објава порачаа дека процесот на обединување не бил лесен и дека зад него стојат месеци исполнети со предизвици, недоверба и политички притисоци.Според нив, денешниот ден ќе биде одговор на сите сомнежи, бидејќи од политички партнери и сојузници ВЛЕН преминува во единствено политичко тело.„Од идеја во која многумина се сомневаа, ВЛЕН утре станува политички факт“, стои во пораката на коалицијата.

Македонија | пред 6 дена

ВРЕДИ утре официјално се обединува во една политичка партија

ВРЕДИ утре, на 9 Мај – Денот на Европа, ќе одржи конгрес на обединување, на кој пет политички субјекти формално треба да донесат одлука да настапуваат како единствен политички субјект во рамките на албанскиот политички блок во државата.Во пресрет на конгресот, од коалицијата порачаа дека процесот на обединување бил долг и исполнет со политички предизвици, сомнежи и обиди за негово спречување.„Кога се создаде ВРЕДИ, не сите веруваа дека овој пат ќе стигне до оваа точка. Имаше такви што очекуваа поделби, замор и неуспех, но и такви што отворено работеа процесот да не успее“, наведуваат од коалицијата.Од ВРЕДИ велат дека утрешниот конгрес ќе биде потврда дека коалицијата од политички сојуз преминува во единствено политичко тело.Според нив, одлуката не е резултат на политички притисок, туку на уверувањето дека Албанците добиваат повеќе кога политичкото дејствување е обединето и организирано.„Ова не е наметнато обединување. Тоа е резултат на вербата дека Албанците не победуваат кога политиката е фрагментирана, туку кога енергијата и застапеноста се обединети“, соопштија од ВРЕДИ.На Конгресот на обединувањето се очекува присуство на околу 850 делегати, кои треба формално да го потврдат спојувањето на петте политички ентитети во една структура.„Од идеја во која многумина се сомневаа, ВРЕДИ утре станува политичка реалност“, се наведува во пораката на коалицијата.

Македонија | пред 1 седмица

ВРЕДИ: Вечните „љубители на фотелји“ од ДУИ не знаат да живеат во опозиција

ДУИ повторно го пушти стариот филм. Народот вели: каде што те боли забот, таму оди јазикот. ДУИ ги боли Изет Меџити, затоа што заедно со народот ги испрати во опозиција, велат од ВРЕДИ.Од коалицискиот партнер ВРЕДИ порачуваат:,,Нека запомнат добро: Изет Меџити не е производ на канцеларии и милувања од Али Ахмети. Тој има мандат од Албанците, како градоначалник и пратеник. Со глас од терен, со луѓе. Не како Бујар Османи, Блерим Беџети, Фатмир Бесими и кликава на ДУИ, кои политиката ја сфатиле само како седнување во фотелја, тендери и личен комодитет. Разликата е голема. Изет бил меѓу народот во маало, додека тие биле во канцелариите на извршната власт и во пазарите за моќ.Денес најголемите љубители на фотелји се во ДУИ, таму каде што мала група луѓе околу Али Ахмети ја приватизираа партијата, го туркаат посветениот активист напред како топовско месо, за самите да се вратат на власт, во фотелји, во тендери и во удобност.Бујар Османи повеќе од 3.700 дена министер, Блерим Беџети повеќе од 5.500 дена на функции и сѐ уште зборуваат за заштита на Албанците.ДУИ, Албанецот го гледаше само како број за глас, додека функциите како семејно наследство.Оваа демагогија повеќе не поминува. Народот ги прочита. Тие сѐ уште сонуваат за времето на Груевски, Будимпешта им изгледа како адреса за спас, додека Мијалков го паметат како златен партнер на владеењето.Веќе две години ги лажат активистите дека ќе се вратат на власт, а одговорот за оваа политичка измама го добија не така одамна на локалните избори, каде ВРЕДИ ги разби победувајќи во 10 општини”, стои во соопштението од ВРЕДИ.

Македонија | пред 1 седмица

ВРЕДИ: Обединувањето станува реалност на 9 мај

Коалицијата ВРЕДИ најавува дека на 9 мај, на Денот на Европа, ќе одржи конгрес на кој пет политички субјекти ќе се обединат во една партија, со заедничко име, насока и политичка мисија.Од ВРЕДИ во соопштението велат дека обединувањето претставува зрел политички процес, преку кој досегашната соработка ќе прерасне во единствена политичка сила. Како клучни принципи ги посочуваат владеењето на правото, борбата против корупцијата, независното судство, евроинтеграциите, партнерството со НАТО и заштитата на семејството, традицијата и културниот идентитет.На конгресот се очекува учество на околу 850 делегати, кои треба формално да ја потврдат новата организациска структура и политичка насока. Од коалицијата нагласуваат дека процесот означува премин од координација кон целосно обединување и, како што наведуваат, исполнување на ветувањата дадени пред албанските гласачи.Во соопштението се посочува и дека обединувањето предизвикува реакции кај политичките противници, оценувајќи дека ваквиот чекор ќе ја засили нивната позиција на политичката сцена.

Македонија | пред 1 седмица

ВРЕДИ се обединува во една партија: Поделбите на Албанците им се продаваа како плурализам, а личниот интерес како патриотизам

За една недела, на Денот на Европа, ВРЕДИ најавува дека повеќе нема да биде само сојуз на политички субјекти.,,ВРЕДИ ќе стане една единствена сила, со едно име, еден правец и една мисија.Ова е момент што ја затвора ерата на политичка расцепканост кај Албанците. Со години поделбите им се продаваа како плурализам, а личниот интерес се пакуваше како патриотизам. Тоа време завршува.Под слоганот ВРЕДИ ЕДНО? 850 делегати ќе го запечатат овој историски процес. Пет политички субјекти ќе се обединат во едно политичко тело, како исполнување на даденото ветување пред Албанците за силен, организиран и одговорен политички фактор, подготвен да зборува со еден глас.Деветти мај не е избран случајно. Тоа е Денот на Европа, ден што го симболизира обединувањето како вредност. За оние што со години живееја од поделби, ова обединување е лоша вест. За Албанците кои бараат правец, одговорност и чесно претставување, ова е голема вест”, стои во соопштението од ВРЕДИ.

Македонија | пред 1 седмица

„Вреди“ станува една партија: Крај за ерата кога албанската политика беше приватна сопственост на една корумпирана клика

Коалицијата „Вреди“ соопшти дека петте политички субјекти кои ја сочинуваа коалицијата ќе се обединат во една политичка сила.Најавија нова фаза на консолидација на албанскиот политички блок во земјата.„Вреди“ порача дека завршува периодот кога албанската политика била „приватна сопственост на корумпирана клика“ и кога мал број луѓе одлучувале во име на сите Албанци.„Тој модел падна. И не падна случајно. Падна затоа што Албанците повеќе не прифаќаат да бидат заложници на истрошени структури, лажен патриотизам и политички измами кои со години служеа само за личен спас на малкумина. ВРЕДИ се обединува во една политичка сила. Затоа што само организирана, дисциплинирана и обединета сила може да го заштити албанскиот глас и еднаш засекогаш да ја затвори ерата на фрагментации, уцени и задкулисни игри. Пет политички субјекти стануваат едно, велат од Вреди“.Од владиниот коалициски партнер додаваат дека нивната обединета платформа ќе се темели на владеење на правото, нулта толеранција за корупција, независно судство, европски интеграции, партнерство со НАТО и заштита на семејството, традицијата и културниот идентитет.

Македонија | пред 2 седмици

Алтернатива се приклучи кон ВЛЕН: Процесот на обединување не запира

Процесот на обединување на ВЛЕН сега влезе во фаза на смели и неповратни одлуки. Она што се сметаше за политичка неопходност сега добива конкретна форма како резултат на консолидираната волја за изградба на единствен, заеднички и репрезентативен субјект, велат од ВЛЕН.„Одлуката на Алтернатива да се придружи на новиот политички субјект ВЛЕН, само го потврдува она што веќе им е јасно на сите што го следеа овој развој одблизу. Процесот на обединување започна и не запира. Дури и другите составни субјекти на ВЛЕН, како што се Движењето БЕСА, Демократското движење и АА, кои го направија овој чекор претходно и ги суспендираа своите тела, покажуваат политичка зрелост и висока свест за неопходноста од оваа консолидација.Секој чекор што се презема во оваа насока докажува дека ВЛЕН се движи самоуверено кон консолидација во единствена партија, како јасен одговор на барањето на Албанците за единство, сила и достојна застапеност. Токму поради оваа причина, овој процес го следат со надеж Албанците и со загриженост оние кои со години ја третираат застапеноста како нивна приватна сопственост.Обединувањето на ВЛЕН произлегува од долгогодишната потреба на Албанците за обединета, достоинствена и одговорна застапеност. Денес станува сè појасно дека иднината им припаѓа на оние кои имаат визија и храброст да ја изградат, а не на оние кои остануваат врзани за старата логика“, се вели во соопштението,.

Македонија | пред 1 месец

Вреди: Кој во ДУИ бара од Груби да го почитува мафијашкиот код “омертаʼ” за молчење и несоработка со институциите

„Ништо повеќе не е исто како порано. Почнува внатрешната пресметка во Мала Речица. Од една страна се Али Ахмети со групата поранешни функционери кои глумат невини и чесни, а од друга страна е Артан Груби на кого овие првите додека беше во бегство лично го натоварија за сите политички и коруптивни зла на ДУИ“, велат од ВЛЕН.„Вистина е дека Артан Груби не е ‘обичен’ поранешен функционер, туку човекот што ги знае сите влезови и излези на системот што ДУИ го градеше со години. Тој е живата подвижна архива на една партиска шема што со години се криеше од јавноста. Кога “црната кутија” еднаш ќе падне во рацете на институциите, нема веќе простор за глума, ниту за митови. Почнува расплетот.Затоа во ДУИ владее паничен страв. Заплетот влегува во фаза во која соопштенијата и пресовите на ДУИ повеќе не вршат работа, туку фактите. Институциите почнуваат да копаат по вистината што ДУИ со години ја закопуваше, како се кроеше моќта зад грбот на граѓаните и каде исчезнуваа буџетските пари.Дали стравот од моментот кога сенката на Али Ахмети ќе почне да зборува и ќе почнат да излегуваат имиња, шеми и улоги, тера некого да користи мафијашки методи на заплашувања? Кој од ДУИ му се заканува на Артан Груби? Кој во ДУИ бара од Груби да го почитува мафијашкиот код “омертаʼ” за молчење и несоработка со институциите“, прашуваат од ВЛЕН преку соопштението.

Македонија | пред 2 месеци

Вреди: Стравот во Мала Речица е страв од моментот кога сенката на Али Ахмети ќе почне да зборува

Артан Груби е црната кутија на ДУИ. Не е обичен поранешен функционер во куќен притвор, туку човекот што ги знае сите влезови и излези на системот што ДУИ го градеше со години. Тој е живата архива на една партиска шема што со години се штитела од јавноста. Кога црната кутија еднаш ќе падне во рацете на институциите, нема веќе простор за глума, ниту за митови. Почнува расплетот, велат од „Вреди“.Според нив, куќниот притвор не е олеснување. Тоа е, како што велат, знак дека приказната влегува во фаза во која зборовите на ДУИ повеќе не важат, туку фактите.„Институциите почнаа да ја копаат вистината што ДУИ со години ја закопуваше, како се кроеше моќта зад грбот на граѓаните и каде исчезнуваа парите. И токму затоа ДУИ денес е во паника.Додека Артан Груби гледа телевизија дома, во ДУИ преовладува паничен напад од прв до последен. Тие не се плашат од мерката, туку од тежината на она што Груби го носи со себе. Бидејќи тој беше таму каде што се решаваше сè. Таму каде што се договараа работите „под маса“. Таму каде што се кроеше моќта и се делеа интересите.Затоа стравот во Мала Речица не е случаен. Тоа е страв од моментот кога сенката на Али Ахмети ќе почне да зборува. Кога ќе почнат да излегуваат имиња, шеми и улоги. И кога ќе стане јасно дека Груби не е само товар за ДУИ, туку потенцијална искра што може да ја запали целата нивна конструкција“.Ова, додаваат од коалицијата, не е крај. Според нив, ова е почеток на процес што може темелно да ја разниша конструкцијата изградена околу Али Ахмети.

Македонија | пред 2 месеци

ВРЕДИ: Црната кутија за владеењето на ДУИ конечно се предаде, кој се ќе оди курбан заедно со него допрва ќе видиме

„Црната кутија за владеењето на ДУИ конечно се предаде. Артан Груби е учесник и извршител на сите матни зделки на ДУИ. Затоа, Мала Речица се тресе од страв за тоа што не знаат за што се е подготвен да прозбори Артан“, соопштија денеска од ВРЕДИ.„Откако катастрофално изгуби ДУИ на локалните избори и паднаа во вода сите лажни ветувања на Ахмети за предвремени избори и наводен влез во Влада, на Артан не му останува ништо друго освен да се соочи со сопствените гревови.Но кој се ќе оди курбан заедно со него допрва ќе видиме“, се вели во соопштението

Македонија | пред 2 месеци

ВРЕДИ до ДУИ: Првото нешто што треба да го направи овој „СПАК“ е да побара екстрадиција на Артан Груби

ДУИ во Чаир помпезно го најавува формирањето на „локален СПАК“ (Албанско специјалното обвинителство против организиран криминал и корупција), како да ја „откриле Америка“. Но, прашањето што веднаш се поставува е дали овој СПАК ќе го истражи и сопственото раководство или е само уште еден театар за измама на граѓаните, се вели во денешното соопштение на коалицијата Вреди.Според коалицијата Вреди, корупцијата има познати лица како што се Фатон Ахмети, поради сомневања за злоупотреба на средства во Фондот за здравствдно осигурување (ФЗО), Арбер Адеми, како министер за образование со отворени случаи за злоупотреба, Бујар Османи, за случајот „Пациент“ и „многу други кои денес седат во раководството на ДУИ како недопирливи“, се наведува во соопштението на Вреди.Вреди, се потенцира во соопштението, го поздравува овој „СПАК“ на ДУИ и сугерира дека, ако е навистина за акција, а не за спектакл, треба да ги започне истрагите токму со овие имиња.„Првото нешто што треба да го направи е да воспостави комуникација со СПАК на Албанија и да побара екстрадиција на Артан Груби, симбол на ароганција и злоупотреба на моќ. Ако овој ‘СПАК’ е сериозен, нека се обиде да ги истражи сопствените недопирливи. Само тогаш граѓаните ќе веруваат дека транспарентноста не е фасада, туку реалност. Дотогаш, ова останува потсмев, „”СПАК за фејсбук’, а не за правда“, велат од коалицијата Вреди.

Македонија | пред 2 месеци

„Вреди“ за „Сејф сити“: Човечкиот живот нема цена и не може да се релативизира со политички пресметки

Системот “Безбеден град“ е прашање на јавна безбедност, на заштита на животите на граѓаните и на воспоставување ред во сообраќајот. Кога зборуваме за “Безбеден град“, не зборуваме за камери или казни, туку за човечки животи, велат од „Вреди“„За побезбедни патишта, каде што никој не го губи својот татко, син или сестра поради туѓа неодговорност. За „Вреди“, човечкиот живот нема цена и не може да се релативизира со политички пресметки или дневни интереси. Затоа, законот за имплементација на системот „Безбеден град“ сега влегува во собраниска процедура, како неопходен чекор кон зголемување на безбедноста на патиштата и заштита на граѓаните.Во исто време, сакаме јасно да нагласиме дека секој акт што ќе го издаде Министерството за внатрешни работи, без оглед на начинот на поднесување, ќе биде подготвен и доставен на јазикот утврден со Законот и Уставот, гарантирајќи целосно почитување на јазичните права на граѓаните, вклучително и на албанскиот јазик“.„Вреди“ ги повикува народните пратеници да го видат овој закон надвор од дневната политика и да гласаат за граѓаните, за нивната безбедност и за животот, бидејќи, како што велат, безбедните патишта се заедничка одговорност и општ општествен интерес.

Македонија | пред 3 месеци

ВРЕДИ: 350 илјади евра кај апелационен судија не се инцидент, туку доказ за заробена правда

„Одлуката на Судскиот совет да му го одземе имунитетот на Апелациониот судија, Ѓоко Ристов, за привремено да го отстрани од функцијата и да му изрече мерка куќен притвор е важен чекор. Но, овој чекор не го затвора прашањето, напротив, го отвора уште повеќе затоа што кога ќе се открие дека кај Апелациониот судија има 350 илјади евра за кои се сомнева дека се нелегални пари, ова не е индивидуален скандал. Ова е лицето на заробената правда“ соопштија утринава од Коалицијата ВРЕДИ.ВРЕДИ потсетува дека „Ристов, заедно со нон грата судијата Енвер Беџети, беа дел од одлуките што го отворија патот за слобода за Сашо Мијалков, симболот на заробената држава. Во истиот контекст, Артан Груби, бегалец од правдата, исто така беше санкциониран нон грата. Тука нема случајност. Има шема. Има штит. Има чадор“.„Затоа, главното прашање не е само што ќе се случи со Ристов. Прашањето е кој го заштитил Ристов, а кого Ристов заштитил. Граѓаните имаат право да знаат во колку случаи Ристов и Беџети дејствувале, во колку случаи одлучувале за притвор, финансиски гаранции, одложувања или застарувања и кои конкретни одлуки доведоа до ослободителни пресуди, бегство од одговорност или тивки „амнестии“ за моќни луѓе. Куќниот притвор не смее да се претвори во удобен одмор, додека системот продолжува со истото. Истрагата мора да оди до крајот на синџирот, со целосна контрола на одлуките, следење на имотот и конкретна одговорност, со имиња и презимиња“ – велат од ВРЕДИ.

Македонија | пред 3 месеци

Валбон Лимани на ДУИ и Таравари води на повторените избори во Гостивар, покажуваат првичните резултати

Според досега пребројаните гласови од повторените избори за градоначалник на Гостивар, Валбон Лимани има убедливо водство пред противкандидатот Невзат Бејта, покажуваат податоците објавени на официјалната страница на Државната изборна комисија.Иако резултатите сѐ уште не се конечни, од изборниот брифинг, како и од увидот во податоците на ДИК, може да се заклучи дека кандидатот Валбон Лимани, кој настапува со поддршка на коалицијата поврзана со Арбен Таравари и Демократската унија за интеграција, има значајна предност во однос на Невзат Бејта, кандидат на коалицијата ВРЕДИ.Според последните објавени бројки, при обработени над две третини од избирачките места, Лимани освојува над 60 проценти од гласовите, додека Бејта останува на околу 30 проценти поддршка. Во Гостивар досега се преброени гласовите од 100, од вкупно 121 избирачко место, со излезност од над 71 илјада гласачи.Валбон Лимани по професија е доктор, а во минатото ја извршуваше функцијата претседател на Советот на Општина Гостивар во периодот кога Арбен Таравари беше градоначалник. Подоцна, по заминувањето на Таравари во извршната власт, Лимани ја презеде и функцијата вршител на должност градоначалник. На редовните локални избори во октомври минатата година, Лимани не успеа да обезбеди победа, откако му недостигаа само 21 глас за да го помине потребниот цензус, иако освои значително повеќе гласови од кандидатот на тогашната коалиција ВРЕДИ.Неговиот противкандидат Невзат Бејта е долгогодишна политичка фигура во Гостивар. Тој беше градоначалник на општината во два мандати како кандидат на ДУИ, а се обиде да освои и трет мандат, но на тие избори загуби од Арбен Таравари. Бејта во минатото ја извршуваше и функцијата пратеник во Собранието како кандидат на ДУИ.Од Државната изборна комисија најавуваат дека конечните резултати ќе бидат соопштени по целосното пребројување на сите гласачки места, по што ќе биде јасно дали водството на Лимани ќе се претвори и во официјална победа на повторените избори за градоначалник на Гостивар.

Македонија | пред 4 месеци

Сали и Хоџа во фотелјите на Меџити и Муртезани

Во Собранието пристигнаа предлогот за новите министри од Коалицијата Вреди, информираа од кабинетот на претседателот на законодавниот дом Африм Гаши.Новите министри треба да дојдат на местото на сега избраните градоначалници, Изет Меџити, кој беше прв вицепремиер и министер за животна средина и просторно планирање и на министерот за европски прашања Орхан Муртезани.Поранешниот владин портпарол Мухамед Хоџа е предложен за министер за екологија, а актуелниот пратеник и поранешен министер за здравство Беким Сали треба да го замени Орхан Муртезани, кој се очекува да биде разрешен на следната собраниска седница.За седницата за избор на нови министри нема пропишан рок во деловникот.Дали ќе има промена во ресорот здравство но и во други министерства ќе се знае по партискиот конгрес на ВМРО-ДПМНЕ, кој ќе се одржи на 6 декември во Кавадарци.

Македонија | пред 5 месеци

ВРЕДИ ја финализира листата: Сали за прв вицепремиер и евроинтеграции, Хоџа во животна средина, Бакиу во здравство

По неколкунеделни интензивни разговори, коалицијата ВРЕДИ ја усогласи листата на функционери што ќе му ја предложи на премиерот Христијан Мицкоски за пополнување на испразнетите позиции во Владата. Според извори од партијата, кадровските решенија се договорени и се чека финалната потврда од Мицкоски.Беким Сали е предвиден да ја преземе функцијата прв вицепремиер и министер за евроинтеграции. Мухамед Хоџа ќе го води ресорот животна средина, додека Башким Бакиу треба да стане нов министер за здравство на местото на Азир Алиу.Алиу, пак, по заминувањето од Министерството за здравство треба да ја преземе директорската позиција во Агенцијата за електронски комуникации.Дополнително, Орхан Муртезани е номиниран за амбасадор на Република Северна Македонија во Брисел.Промените стануваат потребни по изборот на Изет Меџити за градоначалник на Чаир, со што неговите дотогашни функции останаа празни.Доколку премиерот ги одобри предложените имиња, очекувањата се дека до крајот на неделата документите ќе бидат доставени во Собранието и ќе започне постапката за избор на новите министри.

Македонија | пред 5 месеци

ВРЕДИ без нови ресори: Еден човек ќе биде и вицепремиер и министер, потврди Мицкоски

По заминувањето на Изет Меџити од Владата и преземањето на градоначалничката функција во Чаир, премиерот Христијан Мицкоски денеска појасни дека нема да има проширување на владиниот состав и дека ресорите под ВРЕДИ ќе останат непроменети.Тој нагласи дека не се планира отворање нови министерства ниту ангажирање дополнителни функционери, туку дека исто лице ќе ги извршува двете функции – вицепремиер и министер.„Нема да има нови ресори, ВРЕДИ нема да добие плус човек, еден ист човек ќе биде вицепремиер и министер“, рече Мицкоски.Премиерот додаде дека одлуките се веќе договорени во рамки на владејачката коалиција.„Можам да кажам дека оваа недела ќе се знаат имињата. Но она што е сигурно е дека политичките партии коишто ја сочинуваат коалицијата ВРЕДИ, оние ресори, оние портфолија коишто досега беа во Владата ќе ги задржат. Така што, тука нема да има дополнителни промени, нема да има дополнителни сектори. Тоа во рамки на нашата заедничка коалиција е договорено“, изјави тој.Во однос на кадровските решенија, Мицкоски посочи дека очекува имињата да ги достави во понеделник, откако ќе биде донесена конечната одлука, додавајќи дека станува збор за личности чии имиња веќе кружат во јавноста.

Македонија | пред 5 месеци

ВРЕДИ: ДУИ го газеа европскиот пат со промена на КЗ отворајќи пат за враќање на Груевски и ослободување на Мијалков

ВРЕДИ одговори на прес конференцијата на ДУИ.„Две недели по дебаклот на локалните избори и две недели по објавувањето на Извештајот за напредокот од Европската комисија, ДУИ и Арбер Адеми се разбудија од зимски сон за да го изразат својот наводен загрижен став за европскиот пат. Иронијата е длабока: со половина раководство на црните листи за висока корупција, тие излегуваат и држат прес-конференции за европски напредок, напредок што самите го блокираа со години. Уште поапсурдно е што на локалните избори, ДУИ отворено се здружи со нај анти-НАТО и анти-ЕУ партијата во државата – Левица на Апасиев, во Гостивар, Тетово и Струга. Кога им требаше власт, Европа беше заборавена. Денес, кога ги загубија општините и влијанието, одеднаш се сетиле на ЕУ! Вистината е дека тие го газеа европскиот пат кога го променија Кривичниот законик спротивно на предупредувањата од нашите стратешки партнери, отворајќи му пат за враќање на Никола Груевски и овозможувајќи ослободување на Сашо Мијалков”, се наведува во соопштението од ВРЕДИ.За ВЛЕН, европскиот пат е есенцијален, суштински и за него не се преговара.

Македонија | пред 6 месеци

ВРЕДИ до министерката Јаневска: Непознавањето на албанскиот јазик не треба да води до фрустрација

Остра реторика меѓу министерката за образование Весна Јаневска и тетовскиот градоначалник Билал Касами кој доаѓа од владината коалициска ВРЕДИ. На една недела по вториот круг од локалните избори ВРЕДИ со остар тон:,,Тоа што не знае албански јазик не треба да ја фрустрира Јаневска”.Вчера, за време на заеднички јавен настап, министерката Јаневска, неколку пати незадоволно реагираше од комуникацијата на албански јазик на градоначалникот на Касами, со новинарите од медиумите на албански јазик...Наместо да се чувствува лошо што г-дин Касами зборува македонски како и албански, додека таа – и покрај тоа што живее во повеќејазична средина – не знае ниту еден збор на албански јазик, министерката Јаневска реагираше затоа што не разбираше албански јазик Поради оваа причина, ВЛЕН изразува жалење за ваквиот пристап на министерката Јаневска кон албанскиот јазик и во оваа прилика нагласуваме дека таков став е во спротивност со духот на почитување и соживот што треба да го отелотворува секој претставник на државните институци”, велат од ВРЕДИ.Од ВРЕДИ оценија дека потегот на Јаневска е спротивен на духот на почитување и соживот што треба да го отелотворува секој претставник на државните институции.Според коалицискиот партнер на ВМРО-ДПМНЕ, ВРЕДИ, едно демократско и мултиетничко општество, кога дури и странски дипломати кои престојуваат во нашата земја две или три години учат неколку зборови на албански, да бидеш министер, па дури и министер за образование, а да не знаат ниту еден збор од јазикот на сограѓаните Албанци и да реагираат на употребата на албанскиот јазик, ова , велат е тешко да се преведе во услови на коегзистенција, граѓанство и почитување на другите во едно мултијазично општество.

Македонија | пред 6 месеци

Претеничката Салиу тврди:Беким Сали наскоро ќе биде премиер на Албанците во Северна Македонија

Пратеничката Имерлије Салиу од коалициската ВРЕДИ, на социјалните мрежи напиша дека премиер на Албанците во Македонија.,,Господинот, Беким Сали за кратко ќе биде премиер на Албанците во Северна Македонија”, напиша Салиу објавувајќи заедничка слика.За Сали, портпаролот на ВРЕДИ изјави дека тој ќе биде новиот прв вицепремиер кој доаѓа на местото на Изет Меџити кој е избран за градоначалник на Чаир.ВРЕДИ не ја исклучија можноста и за министерството за животна средина да номинираат друг кандидат.Премиерот Христијан Мицкоски одговори дека има добро мислење за Беким Сали, но тоа не значи дека Влен ќе добие два ресора.Сали е актуелен пратеник и поранешен министер за здравство во периодот од јануари 2022 до февруари 2023 година.

Македонија | пред 6 месеци

Нема договор со ВЛЕН за наследникот на Филипче да го замени Меџити во Владата, тврди Мицкоски

Премиерот Христијан Мицкоски изјави дека лично го познава Беким Сали, но дека нема никаков договор меѓу ВМРО-ДПМНЕ и коалицијата ВРЕДИ за кадровски промени во Владата.„Јас кажав дека го познавам Беким Сали и дека имам мислење како личност. За структурни промени во Владата не сме збореле. Подготвен сум да зборувам. Но дека имаат нешто договорено со ВМРО-ДПМНЕ – нема такво нешто,“ изјави Мицкоски.Изјавата на премиерот следи откако на прес-конференција портпаролот на коалицијата „ВРЕДИ“, Дритон Сулејмани, потврди дека Беким Сали ќе го наследи Изет Меџити на функцијата прв вицепремиер, откако Меџити реши да ја преземе градоначалничката функција во Чаир.Сали беше министер за здравство од 2022 до 2023 година, кога на таа позиција го наследи Венко Филипче.

Македонија | пред 6 месеци

Од „ептен голема грешка“ до повлекување: Мемов по критиките кон ВРЕДИ, сега тврди дека зборувал во лично име

Портпаролот на Движењето ЗНАМ, Никола Мемов, денеска појасни дека неговата вчерашна објава на Фејсбук за поддршката меѓу партнерите во владата на локалните избори претставува негов личен став, а не официјален став на партијата. Мемов нагласи дека изборниот успех на ВМРО–ДПМНЕ, ЗНАМ и ВРЕДИ е резултат на меѓусебната поддршка и дека владините партнери треба да продолжат заеднички во ист политички правец и по завршувањето на изборите.Вчерашната објава на мојот фејсбук профил во однос на поддршката помеѓу партнерите во владата на локалните избори е мој личен став  и не изразува став на Движењето ЗНАМ за Наша Македонија.Гледам дека оваа моја лична објава предизвика внимание, но и негативни реакцииПобедата на овие локални избори што ја остварија ВМРО – ДПМНЕ, ЗНАМ и ВРЕДИ е резултат на нашата  взаемна поддршка во сите општини во Македонија, што е потврда на имплементацијата на конзистентните политики на владата во изминатиот период.По локалните избори владините партнери треба да продолжат во ист правец, затоа што зацртаните политички цели за овие избори се остварени, појаснува Мемов.Во претходната објава Мемов упати остра критика кон коалициониот партнер ВРЕДИ. Ги обвини дека тие ја изиграле ВМРО-ДПМНЕ во Скопје и не го поддржале Орце Ѓорѓиевски.,,ВРЕДИ го изигра ВМРО-ДПМНЕ во Скопје и не гласаа за Орце. Ептен голема грешка.

Македонија | пред 6 месеци

Заврши ерата на ДУИ?

Коалицијата ВРЕДИ по завршувањето на вториот круг од локалните избори соопшти дека резултатите претставуваат „јасна пресуда на народот“ против, како што наведуваат, оние кои 23 години го држеле албанскиот народ како заложник на лаги и измами.„Изборите што ги нарекоа ‘референдум’ завршија како политички суд против оние што го држеа албанскиот народ како заложник 23 години со лаги и измами. Граѓаните јасно проговорија дека времето на манипулаторите е завршено“, велат од коалицијата.Од ВРЕДИ истакнуваат дека двата изборни круга потврдиле драматична промена во албанското гласачко тело и „пад на ДУИ од политичката карта на Северна Македонија“.„По две децении манипулација, оваа партија стана мала структура, без поддршка и без политички легитимитет. Ова не го кажува ВРЕДИ, туку слободниот глас на Албанците“, се наведува во соопштението.Во првиот круг, коалицијата освои победи во Чаир, Сарај, Арачиново, Желино и Теарце, додека во вториот круг триумфирала во Боговиње, Дебар, Струга, Долнени и Тетово.„Овие победи не се случајност, тие се отворено отфрлање на старата политика и потврда на вербата во новата“, нагласуваат од ВРЕДИ.Во партиското соопштение се наведува дека Албанците јасно знаат кој работи, а кој измамува, кој дели, а кој обединува, истакнувајќи дека ова гласање означува крај на една ера и почеток на „нова визија за албанската политика“.„ВРЕДИ го чита овој резултат како почеток на политика на одговорност, мерена со работа, понизност и почит кон граѓанинот. Нема да зборуваме за губитниците, бидејќи Албанците веќе проговорија“, стои во завршниот дел од реакцијата.

Македонија | пред 6 месеци