ВРЕДИ се пофали со првиот потег на Шасивари – двојазично име на Фејсбук-страницата на Министерството за правда

Коалицијата ВРЕДИ преку објава на својата официјална Фејсбук-страница го истакна првиот потег на новиот министер за правда Јетон Шасивари по преземањето на функцијата.

— реклама —

Според објавата, промената се однесува на официјалната Фејсбук-страница на Министерството за правда, која отсега покрај називот на македонски јазик го содржи и називот на албански јазик. Страницата сега е именувана „Министерство за правда – Ministria e Drejtësisë“.

— реклама —

— реклама —

„Еве ја првата промена на министерот за правда Јетон Шасивари. Како беше и како е сега. Едно големо браво!“, наведоа од ВРЕДИ во објавата.

Објавата предизвика бројни реакции на социјалните мрежи. Додека поддржувачите на коалицијата ја поздравија промената, дел од корисниците коментираа дека објавата остава впечаток како да е сатирична, иако е објавена како пофалба за првиот потег на новиот министер.