ВРЕДИ ги спореди платите со претходната власт: просечната плата за две години пораснала за 7.538 денари

Зголемувањето на платите и подобрувањето на животниот стандард се во фокусот на економските политики на Владата, порачаа од ВРЕДИ, оценувајќи дека актуелниот пристап носи поинаква насока во споредба со периодот на владеење на СДСМ и ДУИ.

— реклама —

Според податоците наведени од ВРЕДИ, просечната нето-плата во јули 2026 година достигнала 48.499 денари, што е за 7.538 денари, односно за 18,4 отсто повеќе во споредба со јули 2024 година.

— реклама —

Од партијата прават споредба со периодот од јуни 2017 до јуни 2019 година, кога просечната нето-плата се зголемила за 2.397 денари, односно за 10,51 отсто. Според нив, номиналниот раст во периодот од јули 2024 до јули 2026 година е повисок за 7,89 процентни поени.

— реклама —

Од ВРЕДИ истакнуваат дека целта на Владата е зголемување на приходите, отворање работни места со повисоки плати и создавање услови за подобра иднина во земјата. Преку политики што ги поддржуваат трудот и економскиот развој, партијата најавува заложба за поголеми можности и финансиска сигурност за семејствата.

„Подобрувањето на животниот стандард е секојдневна обврска, а не само политичко ветување“, порачуваат од ВРЕДИ.