ВРЕДИ: За Али Ахмети правдата е коцка

Од ВРЕДИ обвинија дека Али Ахмети однапред го знае исходот од судскиот процес против Артан Груби, иако постапката сè уште трае и доказите допрва треба да бидат презентирани пред судот.

— реклама —

„Артан Груби е невин и ќе биде прогласен за невин“, според ВРЕДИ, е ставот што Ахмети го изнел, со што, како што велат од партијата, однапред го предвидел исходот од судскиот процес.

— реклама —

Од ВРЕДИ потсетуваат дека Ахмети претходно говорел дека Груби треба да одговара доколку ја злоупотребил довербата што му била дадена, но дека сега неговиот став е променет и повеќе не остава простор за условување.

„Што се промени во меѓувреме? Дали Ахмети го брани Груби или се обидува да се заштити себеси?“, прашуваат од ВРЕДИ.

— реклама —

Партијата го поврзува случајот и со одлуката на САД да го стави Груби на својата црна листа, наведувајќи дека тоа било поврзано со негово наводно учество во судски процеси.

Од ВРЕДИ додаваат дека судската постапка треба да продолжи без политички влијанија и дека одлуките за вината или невиноста треба да ги носи судот врз основа на доказите.