Франција испрати борбени авиони во своите воени бази во Обединетите Арапски Емирати

Франција распореди борбени авиони во Обединетите Арапски Емирати со цел заштита на своите воени бази во регионот, потврди вчера министерот за надворешни работи Жан-Ноел Баро.

— реклама —

„Извршени се операции за обезбедување на воздушниот простор над нашите бази“, изјави Баро за телевизијата BFMTV.

— реклама —

Министерот не даде дополнителни детали за мисиите.

— реклама —

Овој потег се случува во време на ескалација на конфликтите на Блискиот Исток. Франција претходно го критикуваше американско-израелскиот напад врз Иран, а претседателот Емануел Макрон порача дека операцијата се одвивала „надвор од рамките на меѓународното право, што не можеме да го одобриме“.

— реклама —

И покрај критиките, Франција поради ескалацијата на конфликтот го засили своето воено присуство во регионот. Во Средоземното Море е испратен нуклеарниот носач на авиони Charles de Gaulle заедно со своите придружни фрегати.