Фрлена рачна бомба врз угостителски објект во тетовско, две лица повредени

Две лица се повредени во експлозија на рачна бомба што била фрлена кон угостителски објект во тетовското село Добарце, информира Министерството за внатрешни работи.

— реклама —

Според МВР, на 8 јули во 01:20 часот во Полициското одделение Групчин, Д.Ф. (51) од село Добарце пријавил дека од патничко возило „цитроен“ во движење била фрлена рачна бомба кон неговиот угостителски објект, кој се наоѓа покрај локалниот пат во селото.

— реклама —

Од експлозијата била предизвикана материјална штета, а со повреди се здобиле Е.А. (57) од селото Чифлик и Г.Ф. (60) од селото Добарце, кои во моментот на нападот се наоѓале во кругот на ресторанот. Повредените веднаш биле пренесени во Клиничката болница во Тетово, каде им била укажана лекарска помош.

— реклама —

Увид на местото на настанот извршила увидна екипа од СВР Тетово, при што биле пронајдени чаури од пиштол. За случајот е известен јавен обвинител од Основното јавно обвинителство Тетово.

— реклама —

Полицијата презема мерки и активности за пронаоѓање на сторителот и за целосно расчистување на случајот.