Фудбалски гол паднал врз 19-годишна девојка во Хрватска - се бори за живот

Деветнаесетгодишна девојка се здобила со тешки и животозагрозувачки повреди откако врз неа паднала метална конструкција од фудбалски гол во местото Доњи Вукојевац, на подрачјето на Лекеник во Хрватска.

— реклама —

Според информациите на полицијата, несреќата се случила во понеделникот околу 23 часот. Според досегашните сознанија, девојката се качила на металната конструкција од фудбалскиот гол, која во еден момент се превртела.

— реклама —

Таа најпрво паднала на бетонската подлога, а потоа врз неа паднал и самиот гол.

— реклама —

Повредената итно била пренесена во Општата болница во Сисак, каде што лекарите констатирале дека се работи за тешки повреди, опасни по живот.

— реклама —

Полицијата извршила увид на местото на несреќата, а за случајот ќе биде доставен извештај до надлежното државно обвинителство.