Претседателот на Собранието, Африм Гаши, преку објава на социјалните мрежи изрази загриженост поради информациите за постапувањето кон пратениците на Собранието на Република Македонија на граничниот премин „Ќафасан“.
Тој истакна дека пратениците се избрани претставници на граѓаните и носители на уставен мандат, поради што секое постапување кон нив треба да биде во согласност со највисоките стандарди на почит и достоинство.
„Пратениците се избрани претставници на граѓаните и носители на уставен мандат. Поради тоа, секое постапување што го засега нивниот авторитет и нивната функција треба да биде во согласност со највисоките стандарди на почит и достоинство што им припаѓаат на избраните претставници на народот“, наведува Гаши.
Осврнувајќи се на односите меѓу Македонија и Албанија, тој нагласи дека очекува случајот целосно и транспарентно да биде разјаснет.
„Имајќи ги предвид традиционално добрососедските, а пред сѐ братските односи меѓу Република Северна Македонија и Република Албанија, верувам и очекувам целосно и транспарентно разјаснување, кое ќе придонесе не само за целосно утврдување на околностите на овој случај, туку и за зачувување на меѓусебната доверба, институционалната почит и духот на соработка што треба да ги карактеризира нашите односи“, порача претседателот на Собранието.
