Герасимовски: Есенска дератизација во Центар, опфатени околу 2.000 шахти

Општина Центар ја спроведува редовната есенска дератизација на целата своја територија, при што ќе бидат опфатени околу 2.000 шахти. Активноста има цел да го намали бројот на штетни глодари и да спречи ширење заразни болести.

— реклама —

Градоначалникот на Општина Центар, Горан Герасимовски, истакна дека дератизацијата е дел од редовните мерки за заштита на здравјето на граѓаните.

— реклама —

„Ова е редовна дератизација што ја спроведуваме на целото подрачје на општината. Пред неколку недели реализиравме и вонредна дератизација за сузбивање на глодарите и спречување на потенцијални извори на зарази“, изјави Герасимовски.

— реклама —

За третманот се користи препарат сертифициран и одобрен од Министерството за здравство, наменет за контрола на штетниците без да претставува ризик за другите животински видови.

— реклама —

Од Општина Центар посочуваат дека системската дератизација е дел од редовните превентивни активности за одржување на хигиената и заштита на јавното здравје.