Герасимовски: Општина Центар со низа активности за превенција од булингот, врсничкото насилство мора навреме да се препознае и спречи

Со едукативни работилници, предавања и театарски претстави, Општина Центар го одбележа Меѓународниот ден против насилството и булингот во училиштата, насочувајќи ги активностите кон рано препознавање и спречување на врсничкото насилство.

— реклама —

Во Младинскиот центар „Матично“ беа организирани работилници за родители, наставници и стручни соработници, предводени од проф. д-р Татјана Стојаноска Иванова. Учесниците разговараа за препознавањето на насилството, соодветното реагирање и улогата на семејството и училиштето во неговото спречување.

— реклама —

Градоначалникот Горан Герасимовски порача дека врсничкото насилство не смее да се игнорира и дека родителите, наставниците и стручните служби имаат одговорност навреме да ги препознаат знаците и да реагираат.

— реклама —

Активности се одржаа и во основните училишта на територијата на општината. Учениците следеа предавања за врсничкото насилство во соработка со СВР Скопје, учествуваа во работилници под мотото „Стоп за булингот“, а дел од нив посетија и театарски претстави посветени на пријателството, прифаќањето и здравите врснички односи.

— реклама —

Од Општина Центар порачуваат дека остануваат посветени на создавање безбедна училишна средина и нагласуваат дека секое дете треба да знае дека насилството не е прифатливо, дека не треба да молчи и дека секогаш може да побара помош.