Германија денеска објави дека се придружува на воздушниот транспорт на хуманитарни пакети во Газа, бидејќи Израел продолжува да одбива да дозволи храна и лекови во областа по копно.
Германскиот тим на француско-германската ескадрила кон крајот на оваа недела ќе тргне со транспортни авиони C-130J Hercules, пренесува Ал Џезира.
„Луѓето во Газа немаат основни потреби. Сакаме да го направиме нашиот дел и да им обезбедиме пристап до храна и лекови“, изјави германскиот министер за одбрана Борис Писториус.
На оваа операција, која ја започна Јордан, се приклучија повеќе земји, меѓу кои Франција и Соединетите Американски Држави, пишува Ал Џезира.
