Германски државјанин се здобил со тешки повреди откако со мотоцикл излетал од патот кај Бигорскиот манастир

Германски државјанин се здобил со тешки телесни повреди откако со мотоцикл излетал од коловозот на патниот правец Маврово – Дебар, во близина на Бигорскиот манастир.

— реклама —

Од СВР Тетово информираат дека на 21 јуни околу 10:30 часот било пријавено дека на патниот правец Маврово кон Дебар, во близина на Бигорскиот манастир, К.Б. (55) од Германија, управувајќи мотоцикл со германски национални ознаки, изгубил контрола над возилото и излетал од коловозот.

— реклама —

— реклама —

Во несреќата мотоциклистот се здобил со тешки телесни повреди, кои биле констатирани во Медицинскиот центар во Гостивар.

— реклама —

Увид на местото на несреќата извршила екипа од Одделението за внатрешни работи Гостивар.