Градоначалникот на Орце Ѓорѓиевски упати порака за оддавање почит кон делото на Гоце Делчев, нагласувајќи дека неговото име претставува симбол на слободата, непокорот и македонската борба за достоинство.
„Постојат имиња кои не припаѓаат само на историјата, туку на душата на еден народ. Такво име е Гоце Делчев, кое е симбол на слободата, на непокорот и на вечната македонска борба за достоинство“, истакна Ѓорѓиевски.
Тој нагласи дека делото на Делчев претставува траен завет за идните генерации и потсети дека револуционерот ја платил највисоката цена за љубовта кон татковината.
„Голема е борбата за идеалите, но уште поголемо е делото на Гоце, кое и денес стои како наш завет пред иднината. Тој со својот живот ја плати најголемата љубов – кон татковината“, порача Ѓорѓиевски.
Во пораката се наведува дека споменот за Делчев е дел од идентитетот на македонскиот народ и вредност што се пренесува низ генерации како гордост и аманет.
Ѓорѓиевски потсети дека и 123 години по неговата смрт, делото на Делчев продолжува да инспирира, а неговата борба останува актуелна.
„Гоцевата борба е и наша борба – за опстанок, за достоинство, за македонската вистина и за правото на Македонија да стои исправено пред светот. Гоце е завет – за Македонија“, се наведува во пораката.
