Градоначалникот на Скопје, Орце Ѓорѓиевски, информираше дека заедно со министерот за животна средина и просторно планирање, Муамет Хоџа, одржал работен состанок посветен на унапредувањето на животната средина во главниот град.
Според Ѓорѓиевски, на состанокот биле утврдени конкретни предизвици и приоритети на кои во наредниот период ќе работат заеднички и координирано.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Посебен акцент, како што наведува тој, бил ставен на довршувањето на пречистителната станица, проект за кој оценува дека ќе придонесе за почиста река Вардар, подобра заштита на подземните води и поквалитетна животна средина.
На средбата се разговарало и за нови заеднички активности за уредување и чистење на речните корита, каналите и другите критични точки низ Скопје, со цел подобра заштита од поплави, поголема безбедност и почист град.
Ѓорѓиевски во објавата изрази благодарност за поддршката од Владата и премиерот Христијан Мицкоски, истакнувајќи дека со заедничка и одговорна работа очекува да бидат реализирани проекти во интерес на сите скопјани.
