Ѓорѓиевски: Нов лик, подобри услови и поголема грижа - ЗОО Скопје се менува

Скопската Зоолошка градина се модернизира со реконструкција на постојните и изградба на нови живеалишта, поставување нови огради и уредување на просторот за посетителите. Градоначалникот Орце Ѓорѓиевски истакна дека целта е ЗОО Скопје да стане современ центар за едукација, заштита на природата и хуман третман на животните.

— реклама —

Во изминатиот период се заменети крововите, поставени се нови огради кај лавовите и дополнителни заштитни огради, а изграден е и моторички парк за најмладите. Во тек е обновата на платото пред Зоолошката градина, а планирано е и збогатување на животинскиот свет со нови видови, со живеалишта приспособени на нивните потреби.

— реклама —

— реклама —

Ѓорѓиевски изрази благодарност до вработените и раководството на Зоолошката градина за нивниот труд, посветеност и грижа за животните. Тој нагласи дека обновата ќе продолжи и дека целта е ЗОО Скопје да стане една од најдобрите зоолошки градини во регионот.

Овој месец Зоолошката градина во Скопје одбележува 100 години постоење, а јубилејот, според градоначалникот, се дочекува со конкретни активности и решителност за натамошно унапредување на условите за животните, посетителите и вработените.